Bye 2009

Matatapos na ang 2009. Parang kahapon lang ay yesterday at parang ngayon lang ang today. Ang bilis ng panahon. Though, parang mas mahaba na ang summer ngayon. Kahit December or mag-e-Enero na ay mainit pa rin ang panahon. Salamat global warming.

Maraming nangyari sa loob ng mabilis na taon ng 2009. Pero sa akin, wala masyadong highlights. Hindi naman kasi ako nagpakulay ng buhok. Pero para sa pangkalahatan, maraming nangyari sa taong ito:

Celebrity Deaths. Local and International stars, maraming nag-departure papuntang langit. Pinaka-bigtime na kamatayan ang kay Michael Jackson. Bukod kay MJ, pumanaw na rin si Farrah Fawcett, James Carradine, Brittany Murphy at marami pang iba. Sa local scene naman, nandyan sina Francis M., Johnny Delgado at ng ating dating Presidente Cory Aquino. Pero sorry everyone, hindi pa rin nade-deads ang gusto niyong ma-dead, ang dakilang reyna ng Smurfs.

Sex Scandals. Nagpiyestahan ang mga miron at mga manyak sa sex video nina Hayden Kho at Katrina Halili sa internet at mga DVD sa Quiapo. Pinag-usapan ng mahaba-habang panahon din at pati mga miron sa senado ay nakialam na rin para gawing national issue. Mas malaki pa ang issue kaysa sa patutuy ni Hayden.

Disasters. Dumating ang panahon ng tag-ulan at sinong mag-aakalang magbabaha ng sangkaterbang tubig at putik sa Metro Manila at sa maraming probinsya? This time, hindi lang pagka-stranded ang naranasan, kundi pati pagkasira ng mga pinaghirapan at pagkawasak ng maraming buhay. Sa kabila ng nakakalunos na karanasang ito para sa ating bansa, dito naman natin muling binuhay ang bayanihan sa makabagong media. Ang media na ginagamit mo sa pagbasa ng blog na ‘to; ang Internet. Twitter, Facebook, Plurk, pati na rin sa pamamagitan ng ating mga cellphones ay nagawa nating maipamahagi ang tulong kahit sa mumunting paraan na magagawa natin. And at the same time, sa panahong ding ito ko naranasan ang manghilakbot sa nakita kong mahiwagang kakaibang halimaw sa aming inidoro.

Pero di lang sa bagyo nagtatapos ang peligro, dahil hanggang ngayon ay nag-aalburuto pa rin ang Bulkang Mayon. Kung iniisip niyo akong ialay para matigil na ang pagngitngit ng bulkan, magtigil kayo! Hindi lang ako ang nag-iisang virgin sa bansa natin.

Massacre. Isa sa malaking news ngayon ang massacre na naganap sa Maguindanao. Maraming inosente at taga-media ang inalisan ng kanilang buhay. Ibinaon sa lupa kasama ng mga sasakyang ginamit. Bagamat natutukoy na ang may sala ay hindi pa rin siya/sila binibigyan ng hatol at naaakmang parusa. Mabuti na lang at hindi totoo ang mga zombie dahil malamang nilapa na ang mga kriminal na gumawa sa kanila nito.

Manny Pacquiao. Isang malaking taon ito para kay Manny Pacquiao. Bukod sa panalo niya sa boxing ay nabigyan ng career ang kanyang ina na si Madame Dionesia. Medyo idol niya yata si Tiger Woods kaya nagkaroon ng issue sa kanila ni Krista. Yun nga lang, talagang nagsusumiksik siya sa showbiz at music, at ngayon talagang nagpupumilit sa politics kaya nag-file na ng candidacy sa COMELEC.

Highlight sa akin?

Wala masyadong nangyari sa akin. Hindi ako nagbakasyon kung saan man. Nakaranas akong magpa-buzzcut nitong summer at nagkaroon ako ng mga bagay na hindi ko inaasahan. Kagaya nitong si Rihanna, ang aking HP Mini 110 na napanalunan ko sa event ng TV5 (salamat TV5). At ang dulot ng aking dugo’t pawis at tamod, si Penelope, ang aking Pentax K-m/K2000.

Lovelife or sex life na lang ang kulang. But who knows, baka may humabol bago matapos ang 2009 at makasabay ako sa pagpapaputok sa pagsalubong ng 2010.

HAPPY NEW YEAR TO ALL! 2010 BE GOOD!

1 person likes this post.

Like

Unlike

Wishlist Season

Ilang araw na lang Pasko na. At wala pa rin akong wishlist. Well, dito sa office exchange gift meron na at nandun pa rin yung yearly na Magic 8 Ball na request ko dahil hanggang ngayon ay wala pa ring natutupad. Wala na rin akong pakialam kung mahulaan nila kung sino ako sa kris kringle. Obvious naman na ako ang nasa wishlist dahil: 1. ako lang ang lalaking bagets dito sa office. 2. ako lang maglalakas-loob mag-wishlist ng camouflage or floral pattern na brief.

At dahil malapit na nga ang Pasko, gagawin ko na lang madali para sa inyo ang wishlist ko.

• 8-pack abs. Take note, 8-pack abs hindi 6 packs ha. Kung pwede nga lang 10-pack abs, bakit hindi? Ayoko kasi yung mukhang normal at maging kagaya lang ng mga nakikita sa mga TV at magazines. Huwag lang siguro akong magkaroon ng abs sa mukha.
• Sexlife. Dahil sayang naman ang underwear na may nakakatuwang pattern kung ako lang din naman ang makakakita, di ba?
• Gran Cabrio Maserati. Dahil gusto ang tunog ng pangalan ng kotse at afford niyo naman ito para sa akin.

• Entertainment Showcase. Kung naisipan niyo naman akong regaluhan ng plasma TV. Bakit hindi niyo na lang gawing package, yung may kasama ng 7.1 surround speakers at blu-ray player? You know what’s better? Samahan niyo na rin ng La-Z Boy para masayang masaya naman na talaga ako sa araw ng Pasko.
• World Peace and Eco-friendly World. Sana hindi lang sa utak natin ang maging green, pati rin ang paligid. At kung kagaguhan at kahalayan lang ang magbibigkis sa atin, sana magamit natin ito para sa ikabubuti ng ating mundo. (Nuks, gumaganon?)

At dahil ipit na sa panahon, alam kong friendship na naman ang regalo niyo sa akin. Pwede katawan naman… basta sizzling hot lady kayo ha.

Merry Christmas

Maligayang Pasko

Season’s Greetings

Happy Holidays

sa inyong lahat.

Be the first to like.

Like

Unlike

Short-term Goal

Sa wakas natupad ko na rin ang isa sa mga short-term goals ko. Bagamat kaya ko namang tuparin kaagad yun kapag nag-withdraw ako ng account ko sa Swiss Bank, pinili ko na lamang na pag-ipunan ito sa pamamagitan ng dugo’t pawis at tamod ko sa pagtatrabaho.

Hindi biro ang pag-iipon na ginawa ko para dito. Itinakwil ko ang alak, ang bisyo, ang mga kaibigan, ang mga masasarap na pagkain, ang mga babaeng nahuhumaling sa akin, ang mga taong nagnanasa sa masarap kong katawan, ang sarap ng sex, ang halimuyak ng rumaragasang pagnanasa at kung anu-ano pa. Porno na lang ang kaligayahan ko.

Kaya heto na ang Disyembre, ang panahong inaantabayanan ko. Ang panahong nasasabik ang lahat. Tapos na ang sakripisyo ko, tapos na ang paghihirap ko. Mailalabas ko na ang aking tamod ng pagnanasa na naging kaong dahil sa tagal ng panahon. Naisakatuparan ko na ang pangarap ko simula noong sperm cell pa lang ako. Oo, meron na ako… at hindi yun regla.

Meron na akong lens cap. Next target, ang camera body naman. Saka na ang lens.

Sa ngayon, masaya na ako. Ganito pala ang feeling kapag nararating ang rurok ng sex; ORGASMIC.

Note: Pinahirapan ako ng lens cap na yan dahil may kamahalan pala siya. Nag-maximum limit pa nga ako sa ATM dahil mahirap lang pala ang bangko ko.

Be the first to like.

Like

Unlike