A Handsome Smartphone

Sa panahon ngayon, parang ang hirap na ang mawala online. Nitong mga recent out of town trips ko, parang may bulateng gustong lumabas sa pwet ko dahil di ako mapakali na di nakakakonekta sa internet. Data na nga yata ang nananalaytay sa dugo ko at ang katawan ko parang namamatay dahil ang kaluluwa ko nasa information superhighway na.

Kaya nang mapasakamay ko na ang Netphone 701, lubos akong natuwa. Biruin mo ba namang libre* ang twitter, facebook at chat dito. I’m now always updated, not outdated. Hindi ko na rin kailangan mag-abang ng free wifi o manghinayang sa magagastos ng prepaid ko para lang makapag-tweet o makipag-chat sa mga kaibigan ko online. Kaya kahit nasa bus lang ako, alam ko ang mga nangyayari sa labas. Kahit saan din, pwede akong mag-update. Kahit pa nasa banyo ako habang naglalabas ng sama ng loob o kaya sa loob ng cabinet kapag pinagtataguan ko ang mga pinagkakautangan ko. Basta kung saan may signal ng Smart–which is mostly everywhere–pwede ko nang i-update ang mga fans ko (kung meron man).

For a smartphone na worth 9,900 pesos (free for Data Lite Plan 800), sulit ang Netphone. Lalo na para sa mga ngayon pa lang makakagamit ng smartphone. Sa Netphone din, hindi ka magwo-worry na mabawasan o ma-charge sa data usage kapag yung social stream lang ng Netphone ang ginagamit dahil sa Safe Browse widget. Usually kasi sa mga smartphones kapag napabayaang bukas ang 3G, kumokonekta pa rin sa internet sa background kahit pa hindi natin ginagamit ang cellphone. Kaya nacha-charge tayo sa paggamit ng 3G nang di natin namamalayan. Pero dahil sa Safe Browse, mga chat, facebook at twitter updates lang matatanggap kapag naka-on ang data access. Kaya kahit tulog ako, pwede akong gambalain sa disoras ng gabi ng mga tao online dahil hinahayaan ko lang bukas ang 3G ko.

Like other smartphones, pwede kang makinig ng radyo, music, manood ng videos, mag-browse sa internet, makipag-pichur-pichur sa artista dahil sa camera, mag-email, text, at kung anu-ano pa. Pero higit sa lahat, ang selling point ng lahat ng smartphones… pwedeng mag-Angry Birds (Install lang gamit ng Android Market). At dahil nagra-run ito gamit ng Android 2.2 (Froyo), kung intermediate user ka, pwede mong i-customize ang Netphone according to your liking na di mo magagawa sa iOS at ibang mobile OS.

At kung di ka pa bilib sa mga sinasabi ko…

KUNG PANGIT KA, GAGWAPO KA AT KUNG MABILBIL KA, SE-SEXY KA KAPAG MAY NETPHONE KA! Parang sina Sam Pinto at mga Azkals lang.

Pero dahil may Netphone ako, mas gwapo at mas sexy na akong di hamak sa inyo.

Para sa mga iba pang kaalaman tungkol sa Netphone, bumisita lamang dito: http://smart.com.ph/netphone

*until December 31, 2011

Be the first to like.

Like

Unlike

Pinoy Parazzi: Ang Bagong Captain Barbell!

MGA BIG STARS ang lahat ng gumanap bilang Captain Barbell. Gumanap na sina Edu Manzano, Bong Revilla at Richard Gutierrez bilang version natin ng superhero on spandex na nasa labas ng pantalon ang brip. Ngayong si Marian Rivera na ang gaganap na bagong Darna, sino naman kaya ang bagong Captain Barbell? Richard Gutierrez? Dingdong Dantes? Wala na bang iba? Marami pa naman ang gustong mabigyan ng magandang break, di ba? Kung pwede nga lang sana ako, bakit hindi? Kaso, ayaw ko namang mawalan ng fans ang mga matinee idols natin. Kawawa naman sila.

Sino ang pwedeng maging susunod na Captain Barbell? Alamin sa Pinoy Parazzi!

Be the first to like.

Like

Unlike

Fully booked weekend

Ang bilis natapos ang weekend ko. Nagkaroon nga ako ng pahinga nitong Linggo, may hangover naman. No use! Ang dami kasing kaganapan nitong nagdaang araw, ang daming events.

California Pizza Kitchen

Sinong hindi matatakam dyan?

Nabusog ako sa ginawa kong Greek Pizza sa CPK sa Glorietta 3. Paanong hindi ako mabubusog, eh bonggang-bongga naman kasi ang toppings. Akala ko nga simpleng mozzarella cheese at chicken lang ang toppings nito, nu’ng naluto na, saka nilagyan ng sandamakmak na garnish. Na-shock nga ako sa pizza ko, kulang na nga lang yata ay ma-comatose ako at madala sa Makati Med.

For more info, bisitahin ang www.globalresto.com

The Hilt Asia Media Launch

Ang Hilt Asia ay spefically made para sa mga single. Kaya naman syempre, bilang representative ng mga USB ay kailangang dumalo ako dito. For your info guys, hindi ito speed dating, sex party, etc. Para ito sa mga bored na singles na gustong mag-try ng mga kakaiba at exciting na gawain. Binigyan nga kami ng trial during their media launch last Friday night. Tinuruan kaming gumawa ng cocktails kung saan napa-breakdance si Poyt dahil pina-shot sila ng naghuhurumentadong anghang ng hot sauce. Nagturo din sa amin si Alex Pagulayan ng mga death-defying stunts sa billiards. Pero ang pinaka-malufet ko sigurong experience ay ang sa palm reading. First time kong magpabasa ng aking kapalaran at masasabi kong totoo. Bakit?

Apat silang palm reader sa kwarto. Lumapit sa akin ang unang palm reader at syempre inabot ko naman sa kanya ang aking pasmadong mga palad. Medyo nahirapan yata siyang basahin ang palad ko, ewan, hindi naman ako ‘kumambyo’ bago ko ipakita ang palm ko. Pero nagulat ako nung tanungin niya ako.

“Wala kang lovelife?” sabi ng 1st palm reader sabay lipat sa susunod na tao.

Kulang na lang yata ay lumipad kami nila Poyt at Coy sa aming kinauupuan. Tapos maya-maya sa topic na heartline, lumapit ang isa pang palm reader. At sabi niya:

“If I’ll read this (heartline), you may not get married.”

Talaga namang napa-cartwheel, breakdance, eggroll at somersault kami sa sinabi niya. Tagus-tagusan sa ribs hanggang spinal cord ang sinabi nila. Halos nilamutak at giniling na lahat ng lamanloob ko sa mga statement na yun, my gulay!

don't worry, hindi iyan ang ginagawa sa palm reading

Pero in the end, masaya namang natapos ang gabi.

For more about Hilt Asia, bumisita sa hilt asia website

Inuman despedida

Saturday night naman, medyo malakas pa rin ang tama ng palm reading sa akin nu’ng gabing iyon. Sumugod ang barkada sa San Pedro dahil despedida para sa mga barkadang pupunta na sa Singapore. Bangenge to the max at patayang tagayan na naman. Ang unang ikot, isang nanginginig at nanlalamig na GranMa. Second at third round, Black Label at GranMa sa normal na ikot at sa opposite na ikot ay ang namumulang kabayo. Ang tinding sumipa ng GranMa, ng kabayo saka ni Johnny. Tumilapon ang utak ko sa ere at tinunaw ang karamihan ng neurons ko. Wala nga akong tulog na umuwi kasi inabot na rin kami ng umaga sa pag-iinom. Nagka-dramahan pa nga kami. Pati ako napaiyak. Kahit nga nu’ng nakauwi ako ay humihikbi at umiiyak pa rin ako. Nagulat nga ang mom ko at nasabi niya:

“Anak, ano nangyari sa iyo? Na-holdap ka ba?”

Nawala bigla ang tama ng mga ininom ko sa tanong niya. Mommy talaga, sinira ang momentum ng drama ko.

Kaya hayun, buong araw ng linggo dinamdam ko ang sakit ng hangover at halos isumpa ko na naman ang alak. Pero ngayon okay na ako, tara mamam na ulit.

——

Sa Sunday na nga rin pala ang Philippine Blog Awards 2008. Good luck sa mga nominees, wag niyo lang sana kaming kalimutang ilibre kung mananalo kayo!

Be the first to like.

Like

Unlike