Writers’ block?
Blog: Pssst! Pssst!
Me: Uy blog! Kamusta na?
Blog: Heto malungkot.
Me: Bakit naman? Gusto mo ba ng blade? Gusto mong maglaslas?
Blog: Gago! Nagtatampo ako sa’yo. Hmph!
Me: Ano na naman ang ginawa ko sa’yo? Lagi na lang ako may kasalanan. Wala naman akong ginagawang masama ah. Bakit ako sinisisi mo?
Blog: OA mo ha. Wag mo akong dramahan, ako na nga ang di mo pinapahalagahan ikaw pa ang duma-drama dyan.
Me: Sorry na. Busy lang talaga. Alam mo naman ang trabaho natin.
Blog: Busy? UTUT!
Me: Oo nga. Pramis. Cross my heart and hope Bieber will die.
Blog: Paano ka naman naging busy? Hindi naman parati ang overtime saka non-existent naman ang social life mo.
Me: Wala na akong time mag-internet.
Blog: Talaga lang ha? Bakit ka pa nag-install ng WordPress app sa iPod at cellphone mo?
Me: Ah… eh… kasi…
Blog: Pinabayaan mo na talaga ako. Ipinagpalit mo na ako sa Twitter at Plurk.
Me: Hindi yan totoo. Kung talagang ipinagpalit na kita, bakit hindi pa umaabot ng isang libo mga followers ko?
Blog: Feeling mo naman artista ka.
Me: Walang basagan ng trip. Papunta na tayo dun.
Blog: …
Me: Writers’ block siguro.
Blog: Akala ko ba graphic artist ka. Kailan ka pa naging writer, aber?
Me: …
Blog: So kailan mo na ako ia-update?
Me: Wait lang. Kailan ka pa natutong maging demanding?
Blog: Since nang ginawa mo ako.
Me: Siya, siya. Magsusulat na ako.
Blog: Kailan? Para kang regla, once a month ka na lang magsulat.
Me: Basta. Maghintay ka lang.
Blog: Bilisan mo. Matatapos na ang October.
Me: Pagkatapos ng long weekend.
Blog: November na yun, syet!
HOTHEADED!
KUNG NAGBABASA KA NGAYON DITO. PWES, HINDI MAGANDA ANG TIMING MO. MAINIT KASI ANG ULO KO NGAYON. HINDE. HINDI AKO SUMISIGAW. BUMUBULONG LANG AKO IN ALL-CAPS! BAKET? MAY REKLAMO KA?! KUNG MAY PROBLEMA KA. MAGSUMBONG KA KAY TULFO. DUN KA SA BARANGAY MAGREKLAMO. BLOG KO ‘TO, BAKIT BA?
PAANONG HINDI IINIT ANG ULO KO?! ABA EH, SAMU’T SARING STRESS NA LANG PARATI. BUGBUGAN SA TRABAHO, HINDI MAIPALIWANAG NA TRAFFIC SA NICHOLS-MAGALLANES AREA NG SLEX KAYA NALE-LATE AKO NG SOBRA, ANG BIGLANG BUHOS NG ULAN KAPAG BAGONG LINIS ANG MGA KUKO KO SA PAA, ANG MGA JEJEMON AT ORCS SA MGA SOCIAL NETWORKS, ANG PAGKATALO NG AZKALS SA KUWAIT AT SAKA ANG WALANG KAKWENTA-KWENTANG CAPTAIN BARBELL SA TV.
MUKHANG MABUBURA NA RIN ANG PANGARAP KONG MAGKAROON AKO NG HUBAD NA BILLBOARD SA GUADALUPE! SAYANG LANG ANG ILANG TAON KONG PAGTITIMPI SA PAGLAPA NG MGA MASASARAP NA PAGKAIN. WALA NA RING SAYSAY ANG APAT AT KALAHATI KONG ABS. AT ANG PLANO KONG MAGPADAGDAG NG INCHES SA AKING NAGHUHUMINDIG NA PATOTOY.
ISA PA TONG HANSEL PREMIUM CHEESE SANDWICH. LAGING UMIINIT ANG ULO KO KAPAG KUMAKAIN AKO NITO. NAKAKAPANG-INIT NG ULO SA SARAP! BUKOD DUN, NAHIHIRAPAN NA RIN AKONG MAGHANAP NANG MAPAGBIBILHAN NITO KASI TEMPORARY CLOSED ANG 7-11 SA BABA NG BUILDING TAPOS HINDI PA LAHAT NG GROCERIES MERON NITO. ANONG GAGAWIN KO?! ILANG LINGGO NA AKONG NAGKE-CRAVE NITO!!!*
MAINIT TALAGA ANG ULO KO. KAYA KUNG NABINGI ANG MGA TENGA NG MATA NIYO DITO AY PASENSYA NA LANG. HINDI KO TALAGA MAPIGIL ANG BUGSO NG AKING DAMDAMIN. PIGILAN NIYO KO. PIGILAN NIYO KO!!!
KAILANGAN KONG HUMINAHON. TSAA! TSAA!!! KAILANGAN KO NG TSAA!!!
*not a marketing campaign
Status Report
Kung nagtataka kayo kung bakit madalang ang post ko ngayon, busy lang talaga ako. Alam niyo naman ang buhay-showbiz. Hindi pala ganun kadali lalo’t kailangan ko pa ring maghanapbuhay. Workshop pa lang ito ha, ano pa kaya kung actual na?
Kadalasan nga tulog-artista na ako lalo’t San Pedro pa ang inuuwian ko. Alam niyo yung tulog-artista, yung tipong limang oras na lang ang tulog pero naka-pose pa rin kahit nakahiga sa kama? Ganun yun. 15 minutes na nga lang natitira sa akin kapag weekdays. Tapos, sa loob pa ng 15 minutes na iyon kasama na doon ang pagsha-shower at pagjaja… jumping jack sa loob ng banyo. Ganun ako ka-health conscious.
Oh well papel, kaya lang naman ako napa-post ngayon para mag-solicit ng regalo sa inyo dahil… bukas na ang birthday ko (as of writing time). Kung reregaluhan niyo ako ng Macbook Pro, Nexus S, o iPhone 4, huwag na kayong mag-atubili. Pero kung sadyang mapilit kayo, malugod ko namang tatanggapin. Hindi naman ako mapilit na tao, kayo lang naman ang sadyang nagpupumilit. Kaya kung gusto niyo akong regaluhan, dapat paggising ko na sa tapat na ng pintuan ko ang regalo niyo.
Bukod dun, gusto ko rin kayong imbitahan na panoorin ang aming recital na gaganapin sa OnStage Greenbelt sa huling weekend nitong May. Maigsi lang ang “screen time” ko pero nota-ble naman. Kaya kung interesado kayo, kontakin niyo lang ako. Hindi kayo magsisisi kasi magagaling naman kami… sa entablado.
Ngayon pa lang, nagpapasalamat na ako sa mga babati, bumabati at nagbabati. Salamat sa bati, pero kung anuman ang kumatas dyan, sa inyo na lang yan. Marami din ako nyan.
Adverse Reactions:
Status
- @JohnLloyUmali medyo malayo na yun kasi nakabitin eh.
- @rochellesychua we can always make our own fruit shakes. controlled pa natin ang ingredients. ;)
- @rochellesychua ooooh. I must try that. Maybe I can make one. We have lots of chico here which we got from our neighbor.
Most Active Discussions
- WordCamping 2008 (41 comments)
- Do you know why? (30 comments)
- Damn You Ondoy (30 comments)
- GOODBYE. PAALAM. SALAMAT. (30 comments)
- Close Encounter of the Third Kind... AGAIN (24 comments)
Kodakan
Acknowledgements
Certifications
Additional dosage:
